|
Қостанай облысы әкімдігі білім басқармасының «Қостанай қаласы білім бөлімінің «№ 5 бөбекжайы» КМҚК
КГКП «Ясли-сад № 5» отдела образования города Костаная» Управления образования акимата Костанайской области
|
|
|---|
Біздің сайтқа қош келдіңіз!
Біздің балабақшаның міндеті-баланың мектепке дейінгі балалық шағында толыққанды өмір сүруіне қолайлы жағдай жасау, тұлғаның негізгі мәдениетінің негіздерін қалыптастыру, жас ерекшеліктеріне сәйкес психикалық және физикалық қасиеттерді жан-жақты дамыту, баланы мектепке дайындау.
Біздің сайтта сіз балабақшаның құрылу тарихы және біздің қызметкерлермен таныса аласыз, мамандардың кеңестерін ала аласыз, балабақшадағы балалардың өмірі туралы соңғы жаңалықтарды біле аласыз, педагогикалық ұжымның мектеп жасына дейінгі балаларды тәрбиелеу және оқыту бағдарламалары туралы ақпарат таба аласыз.
Құрметпен, Меңгерушісі Досмакова Динара Жакиевна
|
12
Мамыр
2025
|
Ваучер – бұл баланың мектепке дейінгі білім алуына арналған қызметтердің ақысын төлеуге көмектесетін мемлекеттік қаржыландырудың арнайы түрі. Ваучер сомасы мектепке дейінгі ұйымның түріне, орналасқан қаласына, балалар тобына және басқа да факторларға байланысты болады.
Сіз, ата-ана ретінде, балаңызды қай балабақшаға орналастыруды өзіңіз шешесіз, яғни мемлекеттен бөлінетін қаржыны қай мекемеге бағыттау керектігін таңдауға құқығыңыз бар.
Мектепке дейінгі ұйымның банк шотына аударылатын қаражат тек білім беру қызметтерін төлеуге арналған және басқа мақсаттарға жұмсалмайды.
Ата-ана ваучер алған соң, өз қаласындағы бос орындары бар кез келген балабақшаны таңдай алады.
ВАУЧЕРДІҢ БАСТЫ АРТЫҚШЫЛЫҚТАРЫ
- Балабақша таңдау еркіндігі:
Егер қазіргі балабақша сіздің көңіліңізден шықпаса, бос орын бар басқа балабақшаға ауыса аласыз.
- Ата-аналық бақылау:
Мемлекет балаңызды қолдауға қанша қаражат бөлетінін нақты білесіз және осы қаражаттың мектепке дейінгі ұйым тарапынан сапалы әрі мақсатты пайдаланылуын бақылауға мүмкіндігіңіз бар.
Осылайша, ваучер Сізге балаңыздың білім беру процесіне белсенді араласуға, сонымен қатар оның дамуына ең қолайлы жағдайларды таңдауға мүмкіндік береді.
|
8
Мамыр
2025
|
Екінші дүниежүзілік соғыс басталғанда Қазақстаннан жүздеген прокурор майданға өз еркімен аттанды. Олар жаумен шайқаста нағыз батырлықтың үлгісін көрсетті. Алайда прокуратура қызметкерлерінің жеңіске қосқан үлесі, олардың тылдағы қажырлы еңбегі туралы екінің бірі біле бермейді. Сол себепті көпшілікке беймәлім тарихи тақырыпты қозғауды жөн көрдік.
Соғыс жылдарында прокурорлар да Отан қорғау жолында жан аямай шайқасты. Қаһарман прокурорлар арасында Кеңес Одағының батырлары бар. Атап айтсақ, олар – Нұркен Әбдіров, Мұса Баймұханов, Садық Әбдіжаппаров және халқымыздың мақтанышы, қолбасшы Бауыржан Момышұлы.
Бауыржан Момышұлының ерлігі мен әскери қолбасшылық қабілеті, әскери ғылымға қосқан еңбегі, жазушылық таланты туралы жұрт жақсы біледі. Аңызға айналған қолбасшының өмір жолы мен майдандағы ерлігі туралы көптеген ғылыми зерттеу, көркем шығармалар жазылып, деректі және көркем фильмдер түсірілген. Алайда Кеңес Одағының батыры 30-жылдары Жамбыл облысы Жуалы ауданының прокуроры болып қызмет еткені көпшілікке беймәлім. Оның өр мінезі, қайсарлығы, әділдігі мен өмірге деген көзқарасының қалыптасуына прокуратурадағы қызметі де ықпал етті деп ойлаймыз. Ол өзінің «Соғыс психологиясы» атты еңбегінде үлкенге құрмет, парыз бен ар-ожданды сезіну, қоғамдық тәртіп пен заңдарды мүлтіксіз сақтау – адамның бойындағы асыл қасиеттер екенін айтқан. Батырдың бұл сөздері әлі де өзекті және Мемлекет басшысы жариялаған «Заң және тәртіп» тұжырымдамасымен сабақтасып жатыр. Жеңістің 80 жылдығына орай батырдың келіні Зейнеп Ахметованың қатысуымен Жамбыл облысы прокуратурасы жанында мемориал тас қойылды, ал Жуалы ауданы прокуратурасы ғимаратына ескерткіш-тақта орнатылды.
Ал соғыстың алдында Қарағанды прокуратурасында тергеуші болған Нұркен Әбдіровтің ерлігі – бөлек әңгіме. Соғысқа аттанар алдында облыс прокуроры әскери комиссариатқа ол туралы берген мінездемеде былай деп жазылған екен: «тәртіпті, сабырлы, саяси сауатты». Осы бірауыз сөзден-ақ оның қандай адам болғанын көреміз. Нұркен Әбдіров таңғажайып ерлік жасаған десек, артық болмас. 1942 жылдың 19 желтоқсанында аңызға айналған ұшқыш-шабуылдаушы Нұркен Әбдіров серігі атқыш-радист Александр Комиссаровпен бірге отқа оранған ұшақты жау техникасы шоғырланған жерге бағыттап, он танк, екі зенит қаруын, ондаған жау офицері мен солдатын жояды. Сол кезде небәрі 23 жаста екен.
Кеңес Одағының батыры Мұса Баймұханов соғысқа дейін Гурьев (қазіргі Атырау) қаласында прокуратурада тергеуші болып жұмыс істеген. Ол Қызыл Ту орденді Гатчин атқыштар дивизиясында взвод командирі болған. 1945 жылдың қаңтарында взводты Польшаның Одер өзеніндегі жұқа мұз үстімен өткізіп, жаумен шайқасқа түседі. Әскери тапсырманы ойдағыдай орындап, жауға тойтарыс беріп, негізгі күштердің арғы бетке өтуіне жағдай жасайды. Кіші лейтенант Мұса Баймұхановқа қаза тапқаннан кейін осы ерлігі үшін Кеңес Одағының батыры атағы берілген. Батырдың құрметіне Жеңістің 80 жылдығын мерекелеу қарсаңында Атырау қаласы прокуратурасы ғимаратына естелік тақта орнатылады.
